არხოტი. ტანიეს უღელტეხილის გზა


020
მდებარეობა:
არხოტი, პირიქითა ხევსურეთი, საქართველო
სირთულის კატეგორია:
B-2
?
ხანგრძლივობა:
  • სულ: 4 დღე
  • საფეხმავლო: 4 დღე
უკიდურესი სიმაღლებრივი ცვალებადობა:
?
ჯუთადან - 1796 მ / 5892 ფუტი | როშკადან - 1772 მ / 5814 ფუტი
ჯამურად ფეხით გასავლელი მანძილი:
ჯუთადან - 50 კმ / 31,1 მილი | როშკადან - 48,7 მკ / 30,3 მილი
საფეხმავლო მარშრუტის ტრაექტორია:
  • წასვლა - დაბრუნება X
  • ერთი გზა ✓
  • წრიული X
რუკები და მარშრუტის აღწერა:
WinRAR ფაილი
გასათვალისწინებელი გარემოებები:

● ჩვენი პირობები იხილეთ აქ.

● სასაზღვრო პოლიციისგან სპეციალური საშვის მისაღებად, ბისნას ესაჭიროება თქვენი პირადობის მოწმობის ორივე გვერდის ან პასპორტის საინფორმაციო გვერდის ფოტოსურათი, რომელიც ტურამდე არაუგვიანე 8 დღისა უნდა გამოგვიგზავნოთ.

● სრიალა დაღმართ(ებ)ი

● ციცაბო აღმართ(ებ)ი

● ციცაბო დაღმართ(ებ)ი

● ძლიერი მდინარ(ეებ)ის გადალახვა, რაც გარდა იმისა, რომ დაბრკოლებას და ფიზიკურ გამოწვევას წარმოადგენს, ფეხსაცმლის (და შესაძლოა — შარვლის) დასველებასაც იწვევს.

● სველ პირობებში (მდინარის კალაპოტი, ჭაობი, სველი ან ნესტიანი ნიადაგი, ღრმა ტალახი და ა.შ.) გადაადგილება

● ლაშქრობის დროს ფეხსაცმლის/შარვლის დასველება

არხოტი. ტანიეს უღელტეხილის გზა

ტანიეს ტბა


არხოტი ყველაზე იზოლირებული დასახლებული მხარეა საქართველოში.

პირიქითა ხევსურეთი (ანუ ხევსურეთის ის ნაწილი, რომელიც კავკასიონის მთავარი წყალგამყოფი ქედის ჩრდილოეთით მდებარეობს) სამი ხეობისგან შედგება:
არტოდის ხეობა — მოიცავს მდინარე ანდაქის ანუ არდოტისწყლის აუზს;
შატილის ხეობა — მოიცავს მდინარე არღუნის აუზს;
არხოტის ხეობა — მოიცავს მდინარე ასას ანუ არხოტისწყლის აუზს.

არხოტის ხეობა ამ ხეობებს შორის გარესამყაროსგან ყველაზე იზოლირებულია. აქ არ მიდის არანაირი კომუნიკაცია და არ იჭერს ტელეფონი. სამანქანე გზა კი არხოტის სოფლებში 2017 წელს გაიყვანეს. მანამდე არხოტი ერთადერთი დასახლებული მხარე იყო საქართველოში, სადაც ვერანაირი ავტომანქანით ვერ მიხვიდოდით.

არხოტში სამი სოფელია: ჭიმღა, ახიელი და ამღა. სამივე მათგანის მუდმივი მოსახლეობა 15 ადამიანს არ აღემატება.

მარშრუტის დაწყება, სურვილისამებრ შეიძლება როგორც პირაქეთა ხევსურეთის (დუშეთის მუნიციპალიტეტი) სოფელ როშკადან, ასევე ხევის (ყაზბეგის მუნიციპალიტეტი) სოფელ ჯუთადან.

სოფელი როშკა


მარშრუტის როშკიდან დაწყების შემთხვევაში არხოტში ახალი სამანქანე გზით, კავკასიონის მთავარ ქედზე მდებარე არხოტის უღელტეხილის გავლით გადავალთ, ხოლო ჯუთადან დაწყების შემთხვევაში — საცალფეხო ბილიკით, არხოტისთავის უღელტეხილის (3265 მ) გავლით.

მდინარე ტანიესწყალი

ორივე შემთხვევაში მარჯვნიდან ვუვლით ჭიმღის კლდოვან მასივს და სოფელ ახიელში ჩავდივართ. ახიელის შემდეგ სოფელი ამღაა, შემდეგ კი ასას ვიწრო ხეობის და ქავის კარის გავლით მივდივართ მდინარე ტანიესწყლის (ასას მარჯვენა შენაკადი) შესართავამდე.

მდინარე ტანიესწყლის ხეობა ტურის ყველაზე რთული მონაკვეთია. ხშირად გვიწევს მდინარის გადაკვეთა, ზოგან კი — მდინარის კალაპოტში სიარული. ბოლოს მივაღწევთ ადგილამდე, სადაც ტანიესწყილ ორი მთავარი შენაკადი ერთდება.

რუსეთის საჰაერო ძალების
მიერ ჩამოგდებული ჭურვი
ტანიეს უღელტეხილზე

აქედან გზას მარჯვნივ ვაგრძელებთ (ანუ მარცხენა შენაკადის ხეობაში) და ტანიეს ტბის გავლით ავდივართ კავკასიონის მთვარ ქედზე მდებარე ტანიეს უღელტეხილზე (3040 მ). რუსეთის საჰაერო ძალების მიერ ჩამოგდებული ჭურვი გვამცნობს, რომ უკვე უღელტეხილზე ვიმყოფებით, საიდანაც პირაქეთა ხევსურეთზე (მდინარე ხევსურეთის არაგვის აუზი) ულამაზესი ხედი იშლება. ჩავივლით დიდ დაღმართს და სოფელ უკანხადუში ჩავალთ, რომელიც ჩვენი მოგზაურობის ბოლო პუნქტია.

პირაქეთა ხევსურეთი ტანიეს უღელტეხილის მიმდებარე ტერიტორიიდან


იმ შემთხვევაში, თუ უფრო რთული მოგზაურობა გსურთ, შეგიძლიათ აირჩიოთ არხოტის ტური ისართღელის უღელტეხილის მიმართულებით.


ფოტო გალერეა

ძებნა & ფილტრი

დასავლეთ საქართველო

აღმოსავლეთ საქართველო

სხვა ტურები